CONCELLERÍA DE COMUNICACIÓN
Certame de cartas de amor
22 de xaneiro de 2010
Radiofusión convoca a XI edición do Certame Cartas de Amor.
O fallo do concurso daráse a coñecer a través dos medios informativos o vindeiro 14 de febreiro, Día dos Namorados e festividade de San Valentín.
O autor ou autora da carta que resulte premiada recibirá como galardón unha cea para dúas persoas e a estancia dunha noite no Parador de Turismo de Ferrol. Poderá excoller un cuarto dobre ou dous individuais.
As persoas interesadas en participar deberán enviar a Radiofusión (Casa do Concello. 15500 Fene, A Coruña) ou a caixa de correo direccion@radiofusion.eu unha declaración de amor, en prosa ou en verso que non exceda dun folio mecanografiado a dobre espazo. Tamén se admitirán cartas redactadas a man, sempre que sexan intelixíbeis.
As cartas de amor enviaránse baixo plica e terán que estar en poder de Radiofusión antes do 11 de febreiro inclusive. Con anterioridade a esa data darase a coñecer a composición do xurado.
As declaracións deberán de estar redactadas en lingua galega.
As interpretacións das bases corresponden ao xurado.
